უკრაინის პრეზიდენტი, ვოლოდიმირ ზელენსკი X-ზე გამოეხმაურა უკრაინის ომის დაწყებიდან მე-1000 დღესთან დაკავშირებით სალომე ზურაბიშვილის მიმართვას. ზელენსკიმ მადლობა გადაუხადა საქართველოს პრეზიდენტს და აღნიშნა, რომ მხარდაჭერას, რომელსაც საქართველოდან იღებს, ძალიან აფასებს.

"მადლობა, ძვირფასო პრეზიდენტო, თქვენი გზავნილისა და სოლიდარობისთვის. ჩვენ ვაფასებთ საქართველოს მხარდაჭერას და ვიმედოვნებთ, რომ ჩვენი ქვეყნების მომავალი მშვიდობიანი და წარმატებული იქნება", — ვკითხულობთ ვოლოდიმირ ზელენსკის პოსტში.