ზამბიის ერთ-ერთ სოფელში მცხოვრები ბებია ინტერნეტში პოპულარობის მოპოვების შემდეგ სტილის სიმბოლოდ იქცა. ყველაფერი იმით დაიწყო, რომ მოდის მოყვარულ შვილიშვილს ბებია ტანსაცმლის გაცვლასა და ფოტოების გადაღებაზე დათანხმდა.

მარგრეთ ჩოლა, რომელიც 80-იან წლებშია, მსოფლიომ "ლეგენდარულ გლემად" (Glamma – ინგლისურ ენაზე სიტყვების grandma და glam გაერთიანება) გაიცნო, მრავალფეროვან ტანისამოსს თავისი 225,000 გამომწერისთვის აქტიურად ირგებს.

"თავს განსხვავებულად, ახლებურად და ცოცხლად ვგრძნობ ამ ტანსაცმელში, ისე, როგორც არასდროს. მგონია, რომ სამყაროს დავიპყრობ!" — განუცხადა მარგრეტმა BBC-ს.

ინსტაგრამის ანგარიში მარგრეტს 2023 წელს შვილიშვილმა, დაიანა კაუმბამ გაუკეთა, რომელიც ნიუ-იორკში ცხოვრობს და სტილისტია. ეს იდეა დაიანას მაშინ დაებადა, როცა მამის გარდაცვალებიდან მეორე წლისთავზე ზამბიაში ჩავიდა. მისი თქმით, სწორედ მამამისი იყო ის ადამიანი, რომელმაც მოდის მიმართ სიყვარული ჩაუნერგა.

ზამბიაში ვიზიტის დროს დაიანამ ამერიკიდან ჩამოტანილი ყველა ლუქის მორგება ვერ შეძლო, ამიტომ თავისი ტანისამოსის ჩაცმა ბებიას შესთავაზა. "ამ დროს უკეთესი საქმე არ მქონდა, ამიტომ დავთანხმდი," — ამბობს მარგრეტ ჩოლა, — "ვიფიქრე, რომ ჩემი გარდაცვალების შემდეგ მონატრებას ამ ფოტოებით გაიქარწყლებდნენ."

წარმოგიდგენთ მოდური ბებიის რჩეულ ლუქებს:

ფოტო: Luxury Media Zambia

ფოტო: Luxury Media Zambia

ფოტო: Luxury Media Zambia

ფოტო: Luxury Media Zambia