ჟურნალისტებისა და ოპერატორების, მათ შორის, "ტვ პირველის" ოპერატორის, ლექსო ლაშქარავას მიმართ განხორციელებულ ფიზიკურ ძალადობაში მსჯავრდებულმა დავით კუტალაძემ და თორნიკე დავლაშერიძემ საპატიმრო ვადაზე ადრე დატოვეს.

ისინი "ამნისტიის შესახებ" კანონის საფუძველზე გათავისუფლდნენ.

ინტერპრესნიუსის ცნობით, თორნიკე დავლაშერიძემ ქსნის მე-15 პენიტენციური დაწესებულება უკვე დატოვა. ამნისტიის შედეგად, დავლაშერიძის პატიმრობის ვადა 1/6-ით შემცირდა.

არსებული ინფორმაციით, საპატიმრო 5 ივლისის საქმეზე მსჯავრდებულმა კიდევ რამდენიმე პირმა დატოვა, თუმცა ვინ, ამ ეტაპზე უცნობია.

ინფორმაციისთვის, 2021 წლის 5 ივლისს ჟურნალისტებისა და ოპერატორების მიმართ განხორციელებულ ფიზიკურ ძალადობაში მსჯავრდებულებს აკაკი ნაკაშიძეს, თორნიკე დავლაშერიძეს, დავით კუტალაძეს, ოთარ გელაშვილს, ცოტნე ჩიხლაძეს და გია გიგუაშვილს 4-წლიანი პატიმრობა ჰქონდათ მისჯილი.

რუსთაველის გამზირზე, მედიასაშუალებების წარმომადგენელთა მიმართ განხორციელებულ ძალადობრივ ქმედებებსა და პროფესიულ საქმიანობაში ხელის შეშლის ბრალდებით სულ 27 პირი იყო დაკავებული. აღნიშნულ საქმეზე 27 პირი დააკავეს, საქმეს კი 56 დაზარალებული ჰყავს, მათ შორის, 47 ჟურნალისტია.