2 წლის წინ, 4 წლის ენდრიუ მესიესს ლოს-ანჯელესის სკოლამდელების კლასში პირველი დღე ჰქონდა, როდესაც გზად ჟურნალისტმა გააჩერა და ჰკითხა, უხაროდა, თუ არა სკოლაში წასვლა.

ენდრიუმ კითხვას, ყველა ჩვენგანისთვის ცნობილი ნაძალადევი თავაზიანობით უპასუხა და თქვა, რომ - "კი", სკოლაში წასვლა უხაროდა. შემდეგ კითხვაზე, მოენატრებოდა თუ არა დედა, მან ასევე წინასწარ მოფიქრებული "არა" უპასუხა, თუმცა თავისი ბუნებრივი ემოციები ვეღარ დამალა და სიცილნარევ სახეზე ცრემლები გადმოსცვივდა.

როგორც ჟურნალისტი იხსენებს, ჩაწერის პროცესში ენდრიუს დედა მის უკან იდგა და ის მალე დაამშვიდეს.

4 წლის ენდრიუ ინტერნეტის სენსაციად და მიმების ერთ-ერთ ყველაზე პოპულარულ პერსონაჟად იქცა. ის გამოჩნდა eBay-ის რეკლამაში და კომედიური გადაცემების ინსპირაციად იქცა.

2 წლის შემდეგ, მასთან იგივე ჟურნალისტი მივიდა და ინტერვიუ ჩაწერა.

ენდრიუ ამბობს, რომ მას ქუჩაში ხშირად ცნობენ და ფოტოების გადაღებას სთხოვენ. ინტერვიუს დასასრულს ჟურნალისტმა ისევ ჰკითხა გადამწყვეტი კითხვა ამჯერად ენდრიუს პასუხი გულწრფელი იყო.

"კი" - უპასუხა 6 წლის ენდრიუმ კითხვაზე, "მოგენატრება დედა?".