ბორჯომში, წაღვერის ტყეში, სოფელ დაბის მიმდებარე ტერიტორიაზე ცეცხლი ლოკალიზებულია. ინფორმაციას შინაგან საქმეთა სამინისტროს პრესსამსახური ავრცელებს.

ხანძარი წაღვერის ტყეში 20 აგვისტოს შუადღისას გაჩნდა. ქარიანი ამინდის გამო ცეცხლი ტერიტორიაზე სწრაფად გავრცელდა, მის ჩაქრობას გუშინ ასამდე მეხანძრე და ვერტმფრენი ცდილობდა, თუმცა უშედეგოდ.

საგანგებო სიტუაციების მართვის სამსახურის ინფორმაციით, ამ ტერიტორიაზე 2008 წლის ომის დროსაც იყო ხანძარი და ხანძრის დროს გამხმარი ხეები იწვოდა.

ეროვნული სატყეო სააგენტოს განცხადებით, ხანძრის გაჩენის სავარაუდო მიზეზად მაღალი ტემპერატურა და მოსახლეობის დაუდევრობა სახელდება.