პარლამენტის თავმჯდომარემ, შალვა პაპუაშვილმა თბილისში EU-ს დელეგაციის ვიზიტს ქართველების სიყვარულად შემოსაღებული იუდას ამბორი უწოდა. ამის შესახებ ცოტა ხნის სოციალურ ქსელში დაწერა.

"ქუთაისის წინასაარჩევნო ღონისძიებაზე ვთქვი, თუ როგორ წარმოგვიჩენენ ომს მშვიდობად, ცალ ფეხზე დგომას — თავისუფლებად, სიცრუეს - ჭეშმარიტებად, იუდას ამბორს - ქართველი ხალხის სიყვარულად.

გუშინ, მთელი სისავსით ვიხილეთ სიცრუეც, დამორჩილების სურვილიც, არეულობისკენ მოწოდებაც; განსაკუთრებით უხვად კი - ქართველების სიყვარულად შემოსაღებული იუდას ამბორი.

და ეს ყველაფერი — ევროპის სახელით", — წერს პაპუაშვილი.