აშშ-ში, სამხრეთ კალიფორნიაში ხანძარი მძვინვარებს. ცეცხლი ისეთი მასშტაბურია, რომ 24 საათზე ნაკლებ დროში 14,500 ჰექტარი გაანადგურა, — ინფორმაციას abcnews ავრცელებს.

ხანძარი მთიან მასივში უჩვეულოდ მაღალი ტემპერატურისა და ძლიერი ქარის შედეგად გაჩნდა, რომელიც უკვე დასახლებულ პუნქტებსაც მოედო. დამწვარია საცხოვრებელი სახლები და ავტომობილები, რეგიონიდან ევაკუირებულია ათასობით ადამიანი.

ადგილობრივი ხელისუფლების ინფორმაციით, ხანძრის მასშტაბურობიდან გამომდინარე, ის უკონტროლოა და ამ ეტაპისთვის, მეხანძრე-მაშველებს მისი არც ერთი კერის ლოკალიზება არ შეუძლიათ, თუმცა სამუშაოები აქტიურად მიმდინარეობს.

ამინდის ეროვნულმა ბიურომ, ვენტურასა და ლოს-ანჯელესის ოლქში განგაშის წითელი სიგნალი აამოქმედა, რომელიც ძალაში, სულ მცირე, პარასკევის დილამდე დარჩება.