კოალიცია ცვლილებისთვის ლიდერმა, ნიკა გვარამიამ, ჟურნალისტებთან ოპოზიციის ლიდერების პრეზიდენტთან შეხვედრის დასრულების შემდეგ კომენტარი გააკეთა.

"თუ ვინმეს ჰგონია, რომ კარვების საკითხი გავაჩერე, ძალიან ცდება. ძალიან ბევრი კარავი შეგროვდა და კიდევ გროვდება", — განაცხადა ნიკა გვარამიამ.

შეგახსენებთ, რომ 1 ნოემბერს ნიკა გვარამიამ Facebook პოსტის საშუალებით განაცხადა, რომ კარვებს აგროვებდა — სავარაუდოდ, საპროტესტო აქციებისათვის. მან ისაუბრა იმაზეც, თუ რატომ არ იმყოფებოდა ბოლო რამდენიმე დემონსტრაციაზე.

"ეს შემთხვევითი არ არის, მე რომ რამდენიმე აქციაზე ვერ დამინახეთ, მე მაქვს სხვა საქმე, ჩვენ განაწილებული გვაქვს როლები როგორც ჩვენი კოალიციის შიგნით, ასევე ოპოზიციაში. საქმე არის ძალიან ბევრი და ყველა ვმუშაობთ ჩვენ-ჩვენი მიმართულებით, რათა კოორდინირებული იყოს ეს ქმედებები და მაქსიმალურად ეფექტიანი", — განაცხადა კოალიცია ცვლილებებისთვის ერთ-ერთმა ლიდერმა.