ეს იყო პოლიტიკური გადაწყვეტილება, დავალებით გაკეთებული, — ამის შესახებ კახა კალაძემ ჟურნალისტებს თეთრიწყაროს რაიონული სასამართლოს თავმჯდომარის, ვლადიმერ ხუჭუას მიღებულ გადაწყვეტილებაზე საუბრისას განუცხადა, რომლითაც თეთრიწყაროს სასამართლომ საიას სარჩელი დააკმაყოფილა და ხმის ფარულობის დარღვევა დაადასტურა.

"რაც შეეხება თეთრიწყაროში მიღებულ გადაწყვეტილებას, რა თქმა უნდა, როდესაც ასეთ მნიშვნელოვან გადაწყვეტილებას იღებ, ეს ყველაფერი დაფუძნებული უნდა იყოს ფაქტებსა და მტკიცებულებებზე. შემდეგ ყველამ ვიხილეთ ცენტრალური საარჩევნო კომისიის განცხადება და როდესაც დეტალებში შევედით, არანაირი ფაქტი, არანაირი მტკიცებულება არ არსებობს. ეს იყოს პოლიტიკური გადაწყვეტილება, დავალებით გაკეთებული. თუკი ადამიანებმა ნახეს ამ კონკრეტული მოსამართლის თუნდაც ოჯახის წევრების ვიდეოები, ყველაფერი ცხადი და ნათელია აღნიშნულ საკითხთან დაკავშირებით. როდესაც იღებ ასეთ მნიშვნელოვან გადაწყვეტილებას, ისეთი მყარი მტკიცებულებები უნდა გქონდეს, რომ ამ ყველაფერმა ყველა ინსტანციას გაუძლოს. როგორც ვიცით, გასაჩივრებულია და დაველოდოთ, როგორი იქნება შემდეგი ინსტანციების გადაწყვეტილება", — განაცხადა კახა კალაძემ.