თბილისის სააპელაციო სასამართლოსთან სამართალდამცველების მობილიზებაა. "ნეტგაზეთის" ინფორმაციით, სასამართლოს ეზოს ღობის ნაწილი მოხსნეს და ტერიტორიაზე მათი ნაწილი ასე შევიდა.

პოლიციის დეპარტამენტის შენობასთან, რომელიც სააპელაციო სასამართლოს გვერდით მდებარეობს, დაბურულმინებიანი ავტობუსებითა და მიკროავტობუსებით, სავარაუდოდ, სპეცრაზმელების მობილიზება ხდება.

საპატრულო პოლიციის მანქანებით ჩაკეტილია კორნელი ჩალაძის ქუჩა, რომლითაც სააპელაციო სასამართლოსთან და პოლიციის დეპარტამენტთან მისვლაა შესაძლებელი.

შეგახსენებთ, თბილისის სააპელაციო სასამართლოსთან 3 საათზე ოპოზიციის აქციაა დაგეგმილი.