წინასწარი შედეგებით, მოლდოვას საპრეზიდენტო არჩევნებში პროევროპელმა კანდიდატმა, მოქმედმა პრეზიდენტმა მაია სანდუმ გაიმარჯვა

მოლდოვაში 3 ნოემბერს საპრეზიდენტო არჩევნების მეორე ტური ჩატარდა, სადაც წინასწარი შედეგებით, ქვეყნის მოქმედმა პრეზიდენტმა, პროევროპელმა მაია სანდუმ ხმების 54.47%-ით პროპრუსი მოლდოვის ყოფილი გენერალური პროკურორი, ალექსანდრ სტოიანოგლო დაამარცხა.

მოლდოვის მოქმედ პრეზიდენტს მაია სანდუს საპრეზიდენტო არჩევნებში გამარჯვება მიულოცა ევროკომისიის პრეზიდენტმა ურზულა ფონ დერ ლაიენმა. ის X-ზე მოლდოვას ევროპული მომავლისთვის თანამშრომლობის გაგრძელების მზადყოფნას უდასტურებს.

სანდუს მოლდოვის პრეზიდენტად ახალი ვადით არჩევა მიულოცა საფრანგეთის პრეზიდენტმა ემანუელ მაკრონმაც. ის X-ზე წერს, რომ დემოკრატიამ ყველანაირ ჩარევასა და მანევრზე გაიმარჯვა.