საქართველოს პრემიერ-მინისტრმა ირაკლი კობახიძემ საქართველოს დიპლომატიური კორპუსის წარმომადგენლებს დიპლომატის დღე მიულოცა და გაწეული საქმიანობისა და პროფესიონალიზმისთვის მადლობა გადაუხადა. ამის შესახებ კობახიძემ მთავრობის ფეისბუკ-გვერდზე დაწერა.

"საქართველოს დიპლომატიური კორპუსის წევრებს გილოცავთ დიპლომატის დღეს! ჩვენი სახელმწიფოს ეროვნული მიზნების რეალიზებაში თითოეული დიპლომატის შრომას განსაკუთრებული მნიშვნელობა ენიჭება. მადლობას გიხდით გაწეული საქმიანობისთვის, პროფესიონალიზმისა და პატრიოტიზმისთვის და გისურვებთ წარმატებებს თქვენს საპასუხისმგებლო საქმიანობაში",— წერს ირაკლი კობახიძე.