მარკ რუფალომ, რომელიც მარველის კინემატოგრაფიულ სამყაროში ჰალკის როლს ასრულებს, სოციალურ ქსელში ვიდეო განათავსა, რომელშიც შურისმაძიებლების მსახიობები FaceTime-ზე შეიკრიბნენ და მხარდაჭერა ვიცე-პრეზიდენტ კამალა ჰარისსა და მინესოტას გუბერნატორ ტიმ უოლცს გამოუცხადეს. ვიდეოზარის ავტორი შავი ქვრივის როლის შემსრულებელი, სკარლეტ იოჰანსონია.

"ნუ იქნები უმოქმედოდ, თორემ ბევრს დავკარგავთ: პროექტი 2025, ქალთა რეპროდუქციული უფლებები, კლიმატის ცვლილება, LGBTQIA+ უფლებები, საჯარო განათლება, სტუდენტების სწავლის საფასურისგან განთავისუფლება, ხელმისაწვდომი ზრუნვის აქტი, სოციალური დაცვა და სიცოცხლის გადამრჩენელი ვაქცინები. ეს სიგიჟე მართლა შეიძლება მოხდეს და ეს შენც გეხება. მოუწოდე 3 მეგობარს და გახსოვდეს, ყველაფრის მიუხედავად შენ გმირი ხარ, თუ ყოველთვის მაქსიმუმის გაკეთებას ეცდები." — წერს მარკ რუფალო X-ზე