დეველოპერულმა კომპანია „მეტროპოლმა“ საკუთარი პროექტები საერთაშორისო საზოგადოებას ერევანში გამართულ გამოფენაზე წარუდგინა. დეველოპერი ამჯერად სომხეთს სტუმრობდა და უძრავი ქონების ერთ-ერთ ყველაზე მასშტაბურ ექსპოზიციაში TOON EXPO-ში მონაწილეობდა. სამშენებლო ინდუსტრიის ლიდერი კომპანიები სხვადასხვა ქვეყნიდან „მერიდიანის“ საგამოფენო ცენტრში შეიკრიბნენ. „მეტროპოლმა“ ღონისძიების მონაწილეებს, პარტნიორებს, პოტენციურ ინვესტორებსა და დამთვალიერებლებს თბილისსა და ბათუმში მიმდინარე ექვსი ინფრასტრუქტურული პროექტი და ქართული დეველოპერული ბაზარი გააცნო.

მამუკა იმედაშვილი, „მეტროპოლის“ გენერალური დირექტორის მოადგილე: „მოხარულები ვართ, რომ მორიგ საერთაშორისო გამოფენაში მივიღეთ მონაწილეობა. ჩვენი საცხოვრებელი და საინვესტიციო პროექტები სფეროს ექსპერტებს, პარტნიორებსა და დაინტერესებულ პირებს წარვუდგინეთ. მივაწოდეთ ინფორმაცია იმ ძირითადი მახასიათებლების შესახებ, რაც ჩვენი კომპანიის უპირატესობაა, იქნება ეს ინოვაციური მიდგომები და ენერგოეფექტური პროექტები, ხარისხზე გათვლილი მშენებლობა თუ თანამედროვე, გამორჩეული ინფრასტრუქტურა.

ჩვენ მაქსიმალურად ვცდილობთ, ყველა შესაძლო პლატფორმა გამოვიყენოთ და საერთაშორისო საზოგადოებას გავაცნოთ არა მხოლოდ „მეტროპოლი“, არამედ საქართველოს საინვესტიციო და ტურისტული პოტენციალი, რაც, ვფიქრობთ, მნიშვნელოვანია ქვეყნის ცნობადობის გაზრდისა და ეკონომიკური განვითარებისათვის.

ამასთან ერთად, მსგავსი ექსპოზიციები კარგი შესაძლებლობაა ახალი პარტნიორული კავშირების დასამყარებლად და სამშენებლო სექტორში არსებული თანამედროვე, აქტუალური ტენდენციების გასაცნობად“.

სომხეთის დედაქალაქში, „მერიდიანის“ საგამოფენო ცენტრში, სამდღიან ღონისძიებაზე დეველოპერები, სააგენტოებისა და სამშენებლო კომპანიების წარმომადგენლები იყვნენ შეკრებილები. 3000-ზე მეტი მიწვეული სტუმარი ათი ქვეყნის 50 საერთაშორისო პროექტს გაეცნო. მათ შორის იყო „მეტროპოლი“, რომელიც, საქართველოს ორ ქალაქში დაგეგმილი მშენებლობების გარდა, გამოფენის მონაწილეებს სპეციალური შეთავაზებით დახვდა.

საერთაშორისო გამოფენაზე „მეტროპოლმა“ ექვსი პროექტი წარადგინა. თითქმის დასრულებულია ვაკისა და წყნეთის დამაკავშირებელ გზაზე მდებარე „მეტროპოლ ბაგები“. მესაკუთრეები ბინებს 2025 წლის დასაწყისში ჩაიბარებენ. რეკრეაციული გარემო და პანორამული ხედები კომპლექსის ერთ-ერთი მთავარი უპირატესობაა.

დედაქალაქში ყველაზე დიდი, ერთი ჰექტარი სარეკრეაციო ზონით გამორჩეული პროექტია „მეტროპოლ ქავთარაძე“. კომპლექსი ორ მრავალსართულიან კორპუსს აერთიანებს, 534 აპარტამენტით. ტერიტორიაზე, დასასვენებელ ზონასთან ერთად, გათვალისწინებულია სოციალიზაციის სხვა სივრცეებიც, მათ შორის საბავშვო ბაღი.

კიდევ ერთი მისამართი „მეტროპოლის“ რუკაზე ტურისტულად ერთ-ერთი ყველაზე დატვირთული უბანი ორთაჭალაა. თბილისის ცენტრალური გამზირიდან ათი წუთის სავალზე მდებარე საცხოვრებელი კომპლექსი, „მეტროპოლ ორთაჭალა“ ორ მრავალსართულიან კორპუსს, სარეკრეაციო ზონას, სპორტულ მოედნებსა და სოციალიზაციის სივრცეებს გააერთიანებს.

კონცეპტუალურად განსხვავებული პროექტებია ბათუმის „მეტროპოლ ოვალი“ და „მეტროპოლ კუბი“, რომლებიც Louvre Hotels Group-თან თანამშრომლობით შენდება. საერთაშორისო ბრენდი მსოფლიო ბაზარზე ერთ-ერთი მსხვილი მოთამაშეა. Royal Tulip კი Louvre Hotels Group-ის პრემიული სასტუმრო ბრენდია, რომლის საქართველოში შემოყვანის ექსკლუზივიც „მეტროპოლს“ ეკუთვნის. ზღვისპირა ქალაქის ორივე პროექტი საერთაშორისო ჯილდოს მფლობელია. „მეტროპოლ ოვალი“ Luxury Lifestyle Awards 2024-ის გამარჯვებულია კატეგორიაში საუკეთესო პრემიული უძრავი ქონების დეველოპერი საქართველოში. „მეტროპოლ კუბისთვის“ კი კომპანიამ International Property Awards-ის ჯილდო მიიღო კომპლექსურ ნომინაციაში Mixed-Use Development for Georgia. დაჯილდოების ცერემონია ლონდონში 17 ოქტომბერს გაიმართა.

ასევე ბათუმშია კიდევ ერთი პროექტი „პარალელი“ - მრავალბინიანი საცხოვრებელი კორპუსები ხელსაყრელი მდებარეობით. ზღვისპირა ქალაქის შუაგულში, აბუსერიძის ქუჩაზე, განთავსებული კომპლექსი პანორამული ხედებით გამოირჩევა.

სომხეთის შემდეგ „მეტროპოლის“ გუნდი საუდის არაბეთში ვიზიტისათვის ემზადება. 11-14 ნოემბერს კომპანია უძრავი ქონების საერთაშორისო გამოფენაზე სხვადასხვა ქვეყნის 400 მონაწილეს შორის იქნება.

--

„მეტროპოლის“ შესახებ: დეველოპერული კომპანია „მეტროპოლი“ საქართველოში 2022 წელს დაფუძნდა. კომპანია ქვეყნის მასშტაბით ხუთ პროექტს ახორციელებს. თბილისში ორი საცხოვრებელი კომპლექსის „მეტროპოლ ბაგებისა“ და „მეტროპოლ ქავთარაძის“ მშენებლობა მიმდინარეობს. ბათუმში კი „მეტროპოლ კუბი“ და „მეტროპოლ ოვალი“ შენდება, სადაც ფრანგულ კომპანიასთან, Louvre Hotels Group-თან თანამშრომლობით 5-ვარსკვლავიანი სასტუმრო Royal Tulip განთავსდება. ბათუმშივე დაიწყება ახალი პროექტის „პარალელის“ მშენებლობა, რომელიც ახალი საცხოვრებელი კორპუსი იქნება პანორამული ხედებით.

„მეტროპოლის“ მშენებლობების ჯამური ფართი 545 000 კვ.მ-ზე მეტია და მთლიანობაში 3500 ბინას მოიცავს. დეველოპერული კომპანია 2000-ამდე დასაქმებულს აერთიანებს და მისი ჯამური ინვესტიციის მოცულობა 1,050,000,000 ლარია.