საფრანგეთის საგარეო საქმეთა მინისტრმა, ჟან-ნოელ ბარო იმედოვნებს, რომ აშშ-შ არჩევნები მშვიდობიან პირობებში ჩატარდება და დასძინა, რომ საფრანგეთი არჩევნებში გამარჯვებულ ნებისმიერ კანდიდატთან იმუშავებს. ამის შესახებ მან დღეს, 31 ოქტომბერს განაცხადა.

"ეს ძალიან მნიშვნელოვანი არჩევნებია და იმედია, იგი მშვიდობიან პირობებში ჩატარდება, რაც მიმაჩნია, რომ გარანტირებული არ არის", — განაცხადა ბარომ.

ამასთან საფრანგეთის საგარეო საქმეთა მინისტრმა განაცხადა, რომ აშშ-ში არჩევნების გარშემო ძალადობა მთელი მსოფლიოს დემოკრატიებისთვის დამღუპველი იქნება და აღნიშნა, რომ საფრანგეთი არჩევნებში გამარჯვებულ ნებისმიერ კანდიდატთან იმუშავებს.

ცნობისთვის, აშშ-ში საპრეზიდენტო არჩევნები 5 ნოემბერს ჩატარდება.