ლატვია საქართველოში არჩევნების შესახებ ევროკავშირის მინისტრების განცხადებას უერთდება.

"ლატვია საქართველოს შესახებ განცხადებას შეუერთდა, მიუხედავად იმისა, რომ იგი საარჩევნო დარღვევების სერიოზულობას ძალიან სუსტად აღწერს. და - დიახ, ბატონი ორბანი მხოლოდ თავისი სახელით საუბრობს და არა ლატვიის ან ევროკავშირის", — ლატვიის საგარეო საქმეთა მინისტრი, ბაიბა ბრაჟე სოციალურ ქსელში წერს.

შეგახსენებთ, გუშინ ევროკავშირის 13 ქვეყნის საგარეო საქმეთა და ევროპის საკითხთა მინისტრებმა გაავრცელეს განცხადება, სადაც ნათქვამია, რომ საქართველოში საარჩევნო მთლიანობის დარღვევა ევროკავშირში გაწევრიანების კანდიდატისგან მოსალოდნელ სტანდარტებს არ შეესაბამება.

მინისტრები წერენ, რომ ამ რთულ დროს ქართველების გვერდით არიან და აკრიტიკებენ საქართველოში უნგრეთის პრემიერმინისტრ ორბანის ვიზიტს და წერენ, რომ ის ევროკავშირის სახელით არ საუბრობს.