ლიბანის ჯანდაცვის სამინისტროს ცნობით, ლიბანის აღმოსავლეთით, ბექაას ხეობაში ისრაელის თავდასხმებს, სულ მცირე, 60 ადამიანი ემსხვერპლა.

დაღუპულთა შორის 2 ბავშვია. 58-მა ადამიანმა სხვადასხვა სიმძიმის დაზიანებები მიიღო — სამაშველო სამუშაოები ამ დრომდე მიმდინარეობს.

ისრაელის არმიას კომენტარი არ გაუკეთებია.

გასული 5 კვირის განმავლობაში, ისრაელმა ლიბარნში ათასობით საჰაერო დარტყმა განახორციელა, რომელთა გაცხადებული სამიზნეც ჰეზბოლას ინფრასტრუქტურაა.

28 ოქტომბერს, სანაპირო ქალაქ ტირზე თავდასხმას 7 ადამიანის სიცოცხლე ემსხვერპლა, 17 კი დაიჭრა. ისრაელმა მოუწოდა ქალაქის მოსახლეობას, რომ ცენტრი დატოვონ.

ისრაელსა და ჰეზბოლას შორის საზღვარზე დაპირისპირება თითქმის 1 წელია გრძელდება — მას შემდეგ, რაც 8 ოქტომბერს ლიბანურმა პარამილიტარისტულმა ორგანიზაციამ პალესტინელების დასახმარებლად ისრაელს ცეცხლი გაუხსნა.

მას შემდეგ, ლიბანის ჯანდაცვის სამინისტროს ცნობით, 2600-ზე მეტი ადამიანი დაიღუპა, დაახლოებით 12400 კი დაიჭრა. კონფლიქტის შედეგად ქვეყნის შიგნით იძულებით გადაადგილებულ პირად 1,3 მილიონი ადამიანი იქცა.