შვედეთის მთავრობა წყვეტს საქართველოსთან პირდაპირ თანამშრომლობას. პარალელურად, შვედეთი 25 მილიონ კრონს გამოuყოფს საქართველოს სამოქალაქო საზოგადოებას. ამის შესახებ ინფორმაციას Sweden Herald ავრცელებს.

"საქართველოში მოვლენების განვითარება გარკვეული პერიოდია ძალიან საგანგაშოა. ამას ადასტურებს ცნობები დარღვევებზე, რომლებიც არჩევნების საერთაშორისო დამკვირვებლებმა შაბათის არჩევნებთან დაკავშირებით გაავრცელეს”, – წერს შვედეთის განვითარების თანამშრომლობის და საგარეო ვაჭრობის მინისტრი, ბენიამინ დუსა საინფორმაციო სააგენტო TT-სთვის გაგზავნილ განცხადებაში.

დუსას განცხადებით, "მცდელობა, ხელი შეუშალოს ქვეყნის სამოქალაქო საზოგადოებას თავისი დემოკრატიული როლის შესრულებაში, სხვა საკითხებთან ერთად, შემზღუდავი კანონმდებლობით, ეწინააღმდეგება ევროკავშირის ნორმებსა და ღირებულებებს".

"აქედან გამომდინარე, შვედეთის მთავრობა აჩერებს პირდაპირ თანამშრომლობას საქართველოს ხელისუფლებასთან, რომელიც ჯერ კიდევ გრძელდება, მათ შორის საქართველოს საგადასახადო ორგანოსთან", — ამბობს ის.

დუსას თქმით, თანამშრომლობა შესაძლოა მომავალშიც განახლდეს, თუ საქართველო კვლავ დაუახლოვდება ევროკავშირს. შვედეთის დახმარება საქართველოსთვის შეადგენს დაახლოებით 200 მილიონ კრონს წელიწადში. წელს ქვეყნის სამოქალაქო საზოგადოებისთვის 25 მილიონი გამოიყო.