სურსათის ეროვნულმა სააგენტომ ვადაგასული პროდუქტის რეალიზაციის გამო Wendy's-ის სწრაფი კვების რესტორანი 500 ლარით დააჯარიმა. სააგენტომ ობიექტი ბურგერით მოწამვლის გამო, მოქალაქე ნიკა გაბედავას მიმართვის საფუძველზე შვიდ აგვისტოს შეამოწმა.

დოკუმენტში, რომელსაც ნიკა გაბედავა ფეისბუქის საკუთარ გვერდზე ავრცელებს წერია, რომ დაფიქსირდა ვადაგასული სურსათის რეალიზაციის ფაქტი, მოგვიანებით კი იგი დაილუქა და განადგურდა მოქმედი კანონმდებლობის თანახმად.