ენერგეტიკის მინისტრის ყოფილი მოადგილე ანატოლი იანოვსკი და ენერგეტიკის მინისტრის ამჟამინდელი მოადგილე სერგეი მოჩალნიკოვი ქვანახშირის მაღაროების ლიკვიდაციის დროს თაღლითობაში — 175 მილიონ რუბლზე მეტი ღირებულების ქურდობაში არიან ეჭვმიტანილნი. ამის შესახებ რუსული მედია წერს.

იანოვსკის წინააღმდეგ ჩვენება მოწმეებმა ჯერ კიდევ 2023 წელს მისცეს. აღსანიშნავია, რომ მის ცოლზე 10-ზე მეტი ბინაა რეგისტრირებული.

შინაგან საქმეთა სამინისტროს ოფიციალურმა წარმომადგენელმა ირინა ვოლკმა მოჩალნიკოვის დაკავების ვიდეო გამოაქვეყნა. მისი თქმით, დაკავებულია ენერგეტიკის მინისტრის მოქმედი და ყოფილი მოადგილეები, ასევე საბიუჯეტო დაწესებულების დირექტორის ორი მოადგილე. ისინი ეჭვმიტანილები არიან განსაკუთრებით დიდი მასშტაბის თაღლითობაში. მოჩალნიკოვი ასევე ეჭვმიტანილია უფლებამოსილების გადამეტებაში.