ჩაატარეს ჩხრეკა, ამოიღეს ყველანაირი ტექნიკა (ერთი წლის გაფუჭებული ლეპტოპიც), — ამის შესახებ სოციალურ ქსელში იუმორისტი ონისე ცხადაძე წერს.

"ფინანსური პოლიცია შემოვიდა დღეს ჩემთან და ჩემს ძმასთან. გარაჟის დაშენებაში გვაქვს ნაქირავები, მე ყველა ანგარიში დაყადაღებული მაქვს, ჩემს ძმას ბანკის ვალები და ჩვენთან მოვიდა ფინანსთა სამინისტროს საგამოძიებო სამსახური. ჩაატარეს ჩხრეკა, ამოიღეს ყველანაირი ტექნიკა (ერთი წლის გაფუჭებული ლეპტოპიც) ჩემი ტელეფონის გარდა. ოქმი იყო ძალიან სასაცილო. ყველაფერზე ეწერა ამოღებულია ლეპტოპი ყავისფერი ჩანთიდან, რომელიც იდო იატაკზე, ამოღებულია ტელეფონი, რომელიც იდო იატაკზე... ყველაფერი იატაკზე იდო. მაგიდა და კარადა არ გვაქვს სახლში და ფინანსური პოლიცია დაგვადგა, თან ისეთ ადგილას ვცხოვრობთ, ჩვენ თვითონ ძლივს ვაგნებთ და ამათმა საიდან გაიგეს, სად ვცხოვრობთ არ ვიცი. თანდათან გავიხსენებ კიდე", წერს ონისე ცხადაძე სოციალურ ქსელში“, — წერს ონისე ცხადაძე.

შეგახსენებთ, რომ დღეს ფინანსთა სამინისტროს საგამოძიებო სამსახური ჩხრეკას აწარმოებს Atlantic Council-ის თანამშრომლების, სოფო გელავას და ეთო ბუზიაშვილის სახლებში.