პარტია "გახარია საქართველოსთვის" წევრს ლევან გოგიჩაიშვილს რამდენიმე წუთის წინ თავს დაესხნენ — შემთხვევას პარტიის თავმჯდომარე, გიორგი გახარია სოციალურ ქსელში ეხმაურება:

"რამდენიმე წუთის წინ, ჩვენი გუნდის ერთ-ერთ ლიდერს, ლევან გოგიჩაიშვილს თავს დაესხა "ოცნების" ორგანიზებული მოძალადეების დაჯგუფება, 20-მდე ადამიანი.

თუ ივანიშვილს ჰგონია, რომ ჩვენ, ან ლევანს, რომელიც მთელი თავისი ცხოვრება ებრძოდა ნაციონალური მოძრაობის მოძალადე რეჟიმს, ნაცური მეთოდებით, ძალადობით დაგვაშინებს, ძალიან ცდება!" — წერს გიორგი გახარია სოციალურ ქსელში

ცნობისთვის, ორი დღის წინ, ქართული ოცნების საპატიო თავმჯდომარემ ბიძინა ივანიშვილმა, ტელეკომპანია "იმედისთვის" მიცემულ ინტერვიუში, გახარიას "გარეწარი" უწოდა და მას და მის თანაგუნდელებს გასამართლებით დაემუქრა.