"ოცნებამ" საჯარო მოხელეებს ფურცლები დაურიგა, სადაც სურვილების დაწერა დაავალა

ოცნებამ ქუთაისში ბაღის თანამშრომლებს ბლანკიანი ფურცლები დაურიგა, სადაც სურვილების დაწერა დაავალა. ფოტომასალას და ინფორმაციას ტელეკომპანია მთავარი ავრცელებს.

ბლანკიან ფურცლებზე აღნიშნულია სახელი, გვარი, პირადი ნომერი. ამავე ბლანკზე საჯარო სექტორში დასაქმებულებს უნდა დაეწერათ თავიანთი სურვილები, რომელ სურვილებსაც ხელისუფლება იმ შემთხვევაში შეუსრულებთ, თუ ქართული ოცნება არჩევნებში გაიმარჯვებს.

სურვილებში საბიუჯეტო ორგანიზაციების დასაქმებულები სამედიცინო დახმარებას წერენ. ბლანკებზე დაწერილ სურვილებზე მითითებულია: მენჯ-ბარძაყის კვლევა, საჭიროების შემთხვევაში ოპერაცია, თვალის კვლევა, ყურის კვლევა, კარდიოგრამა, სისხლში "კალცის" განსაზღვრა, წამალი ომეგა 3, ხერხემლის "მრტ" კვლევა და ა.შ.