პარტია "გახარია საქართველოსთვის" ლიდერი გიორგი გახარია bm.ge-სთან ამბობს, რომ 2018 წელს სამედიცინო მიზნით, კანაფის კულტივაციის და ექსპორტის შესახებ საკანონმდებლო ინიციატივის მომზადება პერსონალურად ბიძინა ივანიშვილის "სიგიჟე" იყო.

გიორგი გახარიამ განაცხადა, რომ "მისი [ივანიშვილის] მოუშუშებელი ჭრილობაა ის, რომ ის იყო ერთადერთი ადამიანი, რომელიც სიგიჟეს როცა აკეთებდა, ეუბნებოდა, რომ სიგიჟეს აკეთებდა. ახლა არავინ ჰყავს, და ხომ ხედავთ, გაფრინდა კოსმოსში და იფრინოს", — განაცხადა გახარიამ.

bm.ge-ს ჟურნალისტის კითხვაზე — 2018 წელს მარიხუანას საექსპორტო პოტენციალის საკითხის მთავრობის სხდომაზე განხილვა და [კანონპროექტის მომზადება] იყო თუ არა სიგიჟე? გახარიამ უპასუხა, რომ ეს "დიახ, პერსონალურად ივანიშვილის სიგიჟე იყო".

გახარიამ ისიც თქვა, რომ ამ თემებს "ებრძოდა", მაგრამ საკითხის მთავრობის სხდომაზე განხილვაც მოუხდათ.