სამხრეთკორეული საინფორმაციო სააგენტო Yonhap News-ის ცნობით, სამხრეთ კორეა უკრაინაში სადაზვერვო ჯგუფის გაგზავნას განიხილავს. ამის მიზეზი ჩრდილოეთკორეელი სამხედროების ომში რუსეთის მხარეს ჩართვაა.

გასულ კვირაში, სწორედ სეულის სადაზვერვო სააგენტომ გაავრელა ინფორმაცია, რომ ჩრდილოეთ კორეამ რუსეთის სამხედრო აგრესიაში მონაწილეობის მისაღებად 1500 ჯარისკაცი გაგზავნა. ამავე ცნობების მიხედვით, ფხენიანი უკრაინაში ელიტური სპეციალური დანაყოფის 12000 ჯარისკაცს გაგზავნის.

წყაროს თქმით სადაზვერვო ჯგუფი შეისწავლის ჩრდილოეთკორეელი სამხედროების ტაქტიკასა და საბრძოლო შესაძლებლობებს. თუ ასეთი ჯგუფი მართლაც გაიგზავნება, ის, სავარაუდოდ, დაზვერვის პერსონალით იქნება დაკომპლექტებული.