BPN.ge-ის მიერ გავრცელებული ინფორმაციით, 2024 წლის მონაცემებით, ევროკავშირში ქართული პროდუქციის ექსპორტი 10 წლიან მინიმუმამდე დაეცა. იანვარ-სექტემბერში ექსპორტიდან მიღებული შემოსავლები, ბოლო წლების განმავლობაში, მხოლოდ 2014 წლის 9 თვის მონაცემებს აჭარბებს.

2024 წლის თხრა თვეში ევროკავშირში ადგილობრივი ექსპორტი გასული წლის იმავე პერიოდთან შედარებით 35%-ით, ხოლო შედარებით 2022 წელთან 43.1%-ით შემცირებულია.

2024 წელის 9 თვეში საქართველოდან ევროკავშირში 294.45 მლნ დოლარის ღირებულების ქართული პროდუქცია გავიდა, 2023 წლის 9თვეში 456.4 მლნ დოლარის, ხოლო 2022 წელს 517.75 მლნ დოლარის.

საქსტატის მონაცემებზე დაყრდნობით, ევროკავშირში ძირითადად შემდეგი ქართული პროდუქციის ექსპორტი ხორციელდება: (2024 წლის 9 თვე)

თხილი და სხვა კაკალი - 32.942 მლნ დოლარის;
სპილენძის მადნები - 31.069 მლნ დოლარის;
აზოტოვანი სასუქები - 25.151 მლნ დოლარის;
ძვირფასი ლითონების მადნები და კონცენტრატები - 25.133 მლნ დოლარის;
ფეროშენადნობები - 24.104 მლნ დოლარის;
ყურძნის ნატურალური ღვინო - 23.795 მლნ დოლარის.

საქართველომ ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებას 2014 წელს მოაწერა.