ბატონი ბიძინა მოვიდა, დაამარცხა ეს ბოროტება და ჩვენი ქვეყანა გადაარჩინა, — ამის შესახებ, ქართული ოცნების თავმჯდომარემ, ირაკლი ღარიბაშვილმა ქართული ოცნების საარჩევნო კამპანიის ფარგლებში დაგეგმილ გასვლით ღონისძიებაზე, ქუთაისში განაცხადა.

მისი თქმით, ყველა ის მიღწევა, რაც ქვეყანაში ბოლო 12 წლის განმავლობაში განხორციელდა "ეკუთვნის მათ ლიდერს, ბიძინა ივანიშვილს".

ირაკლი ღარიბაშვილმა თავის გამოსვლაში ოპოზიციაც გააკრიტიკა. მან თქვა, რომ ქვეყანაში ბოროტი ძალა ოთხ ფრონტადაა წარმოდგენილი: ძველი და ახალი ნაციონალური მოძრობა, "თაღლითი ხაზარაძე" და "სამშობლოს და მათი გუნდის მოღალატე — გახარია".