ცესკომ ამომრჩეველთა სიები ხელახლა დაადგინა და მისი ნახვა ახლა უკვე სპეციალურ საიტზე voters.cec.gov.ge-ზე იქნება შესაძლებელი. სიები ხელმისაწვდომია როგორც ამომრჩევლისთვის, ასევე საარჩევნო ბლოკებისთვის, დამკვირვებლებისა და პარტიებისთვის.

უზუსტობის აღმოჩენის შემთხვევაში, დაინტერესებულმა პირებმა არჩევნების 16 დღით ადრე უნდა აცნობონ საარჩევნო კომისიას და ცვლილებების შეტანა საქართველოს საარჩევნო კოდექსის 31-ე მუხლის მიხედვით მოხდება.

საქართველოს 73 მაჟორიტარულ ოლქში სულ 3,634 საარჩევნო უბანია შექმნილი. ამომრჩეველს საარჩევნო სიის გადამოწმებისას შესაძლებლობა აქვს საიტზე ისიც ნახოს თუ რომელ საარჩევნო უბანშია დარეგისტრირებული. საარჩევნო კანონმდებლობის გათვალისწინებით, ცესკო 15 ივლისს ამომრჩეველთა ერთიან სიას კიდევ ერთხელ განაახლებს.