რუსეთის მიერ ოკუპირებული აფხაზეთის დე ფაქტო მთავრობის გადაწყვეტილებით, 23-დან 30 ოქტომბრის ჩათვლით აფხაზეთ-სამეგრელოს საოკუპაციო ხაზთან მოქმედი ე.წ. გამშვები პუნქტი - ენგურის ხიდი ჩაიკეტება. ინფორმაციას რადიო თავისუფლება ავრცელებს.

აფხაზური სააგენტო აფსნიპრესის ცნობით, გადაწყვეტილება, საქართველოში საპარლამენტო არჩევნების პერიოდში რადიკალური ძალების შესაძლო პროვოკაციებს და ასევე სასაზღვრო რაიონებში უპილოტო საფრენი აპარატების უკანონო ფრენებს უკავშირდება.

ენგურის ხიდის ჩაკეტვა არ შეეხებათ ენგურჰესის თანამშრომლებს, ასევე აფხაზეთის მოქალაქეებს და ბინადრობის ნებართვის მქონე პირებს, რომლებიც დანარჩენი საქართველოდან ოკუპირებულ ტერიტორიაზე ბრუნდებიან.