საავტომობილო გზების დეპარტამენტის ინფორმაციით, 13 ივნისის დილის 08:00 სთ-დან საღამოს 19:00სთ-მდე მცხეთა-სტეფანწმინდა-ლარსის საავტომობილო გზის (მლეთა-სეთურები), მონაკვეთზე მოძრაობა შეიზღუდება.

დაზიანებული ასფალტ-ბეტონის საფარის შეკეთების სამუშაოებთან დაკავშირებით, იკრძალება მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა თავისუფალია.

ამ რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.