CNN-ის ინფორმაციით, საკითხში ინფორმირებულმა წყარომ განაცხადა, რომ ირანის მხრიდან 1-ელ ოქტომბერს ბალისტიკური რაკეტები თავდასხმაზე საპასუხო გეგმა ისრაელს მზად აქვს, წყარო სხვა დეტალებს არ ასახელებს.

წყაროს ინფორმაციის განსამტკიცებლად, CNN-ი ისრაელის თავდაცვის სამინისტროს კომენტარისთვის დაუკავშირდა.

Washington Post-მა 15 ოქტომბერს ორ ამერიკელ მაღალჩინოსანზე დაყრდნობით გაავრცელა ინფორმაცია, რომ ისრაელის პრემიერმინისტრმა ბენიამინ ნეთანიაჰუმ ამერიკის პრეზიდენტის, ჯო ბაიდენის ადმინისტრაციას აცნობა, რომ საპასუხო იერიშის ფარგლებში, ისრაელი ირანში არა ნავთობის სათავსოებს ან ბირთვულ ობიექტებს, არამედ მხოლოდ სამხედრო ინფრასტრუქტურას დაარტყამს.

იმავე გამოცემის ინფორმაციით, ამ თემაზე სატელეფონო საუბარი 9 ოქტომბერს აშშ-სა და ისრაელის ლიდერებს შორის გაიმართა.