საქართველოს პრეზიდენტმა, სალომე ზურაბიშვილმა Financial Times-თან ინტერვიუში მმართველი პარტია, არჩევნების გასაყალბებლად, კრემლის მიერ შთაგონებული დაშინების ტაქტიკის გამოყენებაში დაადანაშაულა და ამომრჩევლებს მოუწოდა, არჩევანი ევროკავშირსა და რუსეთს შორის გააკეთონ.

როგორც სალომე ზურაბიშვილმა განაცხადა, მისი ქვეყანა "რუსული ხელისუფლების" მიერ იმართება". 2012 წლიდან ქართული ოცნების ხელისუფლება, რუსეთის მსგავსად, აწარმოებდა კამპანიას, რომელიც ეფუძნებოდა პროპაგანდას, პოლარიზაციასა და დაშინების ტაქტიკას.

სტატიაში ნათქვამია, რომ ოპოზიცია 26 ოქტომბრის საპარლამენტო არჩევნებს, 1991 წელს საბჭოთა კავშირისგან დამოუკიდებლობის მოპოვების შემდეგ, წყალგამყოფ მომენტად მიიჩნევს, რომელიც განსაზღვრავს, გახდება საქართველო დასავლეთთან ინტეგრირებული სუვერენული დემოკრატიული ქვეყანა, თუ დაბრუნდება ავტოკრატიაში რუსულ ორბიტაზე.

ზურაბიშვილი აცხადებს, რომ ქართველი ოლიგარქის, ბიძინა ივანიშვილის ხელმძღვანელობით, ქართული ოცნება ახორციელებს ზეწოლას საჯარო სექტორზე, თავს ესხმის ოპოზიციის აქტივისტებს, ემუქრება ჟურნალისტებს და ართულებს უცხოეთში მცხოვრებ მოქალაქეებს ხმის მიცემას.

პრეზიდენტის თქმით, ქართული ოცნების სრული დამარცხება არჩევნებზე საზოგადოების მაღალ აქტივობას შეუძლია.

"ძალიან მნიშვნელოვანია მობილიზაცია, რადგან ერთადერთი სცენარი, როდესაც ისინი შეეცდებიან არჩევნების მოპარვას, არის ის შემთხვევა, თუ ხალხი არჩევნებზე არ მივა ", — განაცხადა ზურაბიშვილმა.

გამოცემასთან ინტერვიუში ზურაბიშვილმა ქართული ოცნებას "ერთპარტიული მმართველობა" უწოდა და განაცხადა, რომ ისინი ქვეყნის ყველა ინსტიტუტს აკონტროლებენ.

პრეზიდენტს ეჭვი ეპარება, რომ ოპოზიციური პარტიები, არჩევნების შედეგების, ორ კვირაში კოალიციური მთავრობის შექმნას შეძლებენ.

"ვფიქრობ, რომ მოსახლეობამ შესაძლოა უკეთ გაიგო, ვიდრე პოლიტიკურმა პარტიებმა, რომ ეს რეფერენდუმია და ეს არის მომავლის რეალური არჩევანი," — ზურაბიშვილი.