დღეს, ცნობილი გახდა რომ კოალიცია ცვლილებებისთვის ბათუმში დაგეგმილ ღონისძიებას აუქმებს, მიზეზი კი მათი ახალგაზრდული ორგანიზაციის წევრის, ელენე მეგრელიშვილის ავტოკატასტროფაში დაღუპვაა.

კოალიციის წევრების ინფორმაციით, მეგრელიშვილთან ერთად კიდევ ერთი წევრი, ანა ქართლელიშვილი იმყოფებოდა, რომელიც ახლა საავადმყოფოში წევს, მისი მდგომარეობა კი კრიტიკულია.

"ძალიან დიდი მადლობა მინდა გადავუხადო ყველას ჩვენს გუნდში, ვინც პოლიტიკურ საჭიროებაზე მაღლა დადგა და გადაწყვეტილება ადამიანური ემოციით მიიღეს, მწუხარების გამოსათქმელად. ჩვენ ვაცნობიერებთ, რომ პოლიტიკური პარტია, პოლიტიკური პროცესი არ არის ჩვენი საკუთრება ეს საზოგადოების საკუთრებაა, მაგრამ მომხდარის გამო ამგვარ გადაწყვეტილებას ვიღებთ.

პოლიტიკურ პარტიებს, ახალგაზრდულ ორგანიზაციებს დიდი მადლობა მინდა ვუთხრა, ახალგაზრდული ფრთის წარმომადგენელი დავკარგეთ და ანაც ამ ფრთის წარმომადგენელია, ნაციონალური მოძრაობის წევრებსა და მათი ახალგაზრდული ფრთის, ლელოს და მისი კოალიციის ახალგაზრდებს და პარტიის წევრებს მორალური მხარდაჭერისთვის. ეს ჩვენთვის უდიდესი ტრაგედიაა და ტკივილი. დიდი იმედი გვაქვს, რომ ანა სიკვდილს დაამარცხებს. ჩვენი მწუხარება ჩვენს უკან დახევას არ ნიშნავს, ჩვენ ვაგრძელებთ ელენეს ბრძოლას", — განაცხადა კოალიციის ერთ-ერთმა ლიდერმა, ნიკა გვარამიამ.

გაიგეთ მეტი:

გუშინ კახეთში მომხდარ ავტოავარიას პოლიტიკური გაერთიანება "კოალიცია ცვლილებებისთვის" წევრი ემსხვერპლა