გუშინ, 14 ოქტომბერს ცნობილი გახდა, რომ კახეთიდან მომავალი ავტომანქანის ავარიის შედეგად ერთი ადამიანი გარდაიცვალა, რომელიც პოლიტიკური გაერთიანება "კოალიცია ცვლილებებისთვის" წევრი იყო.

ამის შესახებ "ცვლილებებისთვის" ერთ-ერთი ლიდერი, ნიკა მელია სოციალურ ქსელში წერს წერს და გარდაცვლილი წევრის ელენე მეგრელიშვილის ფოტოს ავრცელებს.

მისი თქმით, ამ მომენტისთვის კოალიციის კიდევ ერთი წევრი, ანა ქართლელიშვილი საავადმყოფოში იმყოფება, მისი მდგომარეობა მძიმეა.

"გვაქვს უმძიმესი დღეები, კოალიციას და სამეგობროს, ყველას ვინც იცნობდა ჩვენს ორ თანამებძოლს, ელენეს და ანას.

გუშინ კახეთში მომხდარი ავტოკატასტროფის შედეგად დავკარგეთ ღიმილით, ხალისითა და სიცოცხლით სავსე ელენე ელენე მეგრელიშვილი, რომელიც ცვლილებისთვის, ამ ქვეყნის უკეთესობისთვის იბრძოდა დაუღალავად.

გვიჭირს დაჯერება და გააზრება, რომ ანა ქართლელიშვილი ამ წუთებში,სიცოცხლისთვის იბრძვის....

ამ ჭირში ახლა გამაგრება, ერთად და მყარად დგომა, გლოვა და თან ბრძოლა გვმართებს, ურთულესია ეს ყველაფერი...", — წერს მელია Facebook-ზე.