მოსკოვის სასამართლომ, "უცხოეთის აგენტად" რეგისტრაციის კანონის დარღვევისთვის, ფრანგ მკვლევარს სამწლიანი პატიმრობა მიუსაჯა. ამის შესახებ BBC წერს.

ლორან ვინატიე, რომელიც შვეიცარიაში დაფუძნებულ კონფლიქტის მედიაციის არასამთავრობო ორგანიზაციაში მუშაობდა, ივნისში დააკავეს, როდესაც რუსეთის სამხედრო ძალების შესახებ ინფორმაციას აგროვებდნენ.

სასამართლო დარბაზში რუსულად საუბრისას ვინატიემ ბოდიში მოიხადა და თქვა, რომ არ იცოდა, რომ უცხო ქვეყნის აგენტად უნდა დარეგისტრირებულიყო. 48 წლის მკვლევარმა დანაშაულის აღიარების შემდეგ, რუსი პოეტის, ალექსანდრე პუშკინის ლექსი წაიკითხა.

მკვლევრის დაცვის მხარემ პატიმრობის გირაოთი შეცვლის შუამდგომლობა დააყენა, მაგრამ მისი მოთხოვნა არ დააკმაყოფილეს.