გერმანიის ფედერალური სადაზვერვო სამსახურის ხელმძღვანელი, ბრუნო კალის თქმით, რუსეთს NATO-ს ტერიტორიაზე თავდასხმა მომდევნო ექვსი წლის განმავლობაში შეეძლება. ინფორმაციას გერმანული მედია ავრცელებს.

ბრუნო კალი აცხადებს, რომ ის რუსეთისგან სამხედრო საფრთხეს ხედავს.

"ამ ათწლეულის ბოლომდე რუსეთის ჯარებს ნატო-ზე თავდასხმის უნარი ექნებათ. კრემლი გერმანიის ფედერაციულ რესპუბლიკას მტრად განიხილავს. ჩვენ პირდაპირ კონფლიქტში ვართ რუსეთთან", – განაცხადა კალიმ ბუნდესტაგის საპარლამენტო კონტროლის კომიტეტის მოსმენაზე.

მისივე თქმით, რუსეთის პრეზიდენტის სამიზნე მხოლოდ უკრაინა არაა და პუტინი ცდილობს, ახალი მსოფლიო წესრიგი შექმნას.