ბელარუსი ოპოზიციონერი ლიდერი და 2020 წლის პრეზიდენტობის კანდიდატი ვიქტორ ბაბარინკო Telegram-ში წერს, რომ ასევე, ბელარუს ოპოზიციონერს, მარია კოლესნიკოვას უკვე 600 დღეა ვერ უკავშირდებიან და მის შესახებ არანაირი ცნობა არ აქვთ.

"ცნობები მარია მელნიკოვასგან უკვე 600 დღეა არ გვაქვს, რაც ჩვენში დიდ განგაშს იწვევს: ცოცხალია, თუ არა, ჩვენი მაშა?

მარია ბელარუსის თავისუფლებისთვის ბრძოლის სიმბოლო გახდა. დღეს ჩვენ შეგვიძლია ვიბრძოლოთ მარიასა და სხვა პოლიტპატიმრების თავისუფლებისთვის", — წერს ბაბარიკო.

კოლესნიკოვა 2020 წელს ბაბარიკოს შტაბის ხელმძღვანელის თანამდებობას იკავებდა, მოგვიანებით კი სვეტლანა ტიხანოვსკაიას გაერთიანებულ ოპოზიციურ შტაბს შეუერთდა.

ბელარუსებმა კოლესნიკოვა 2020 წლის 7 სექტემბერს გაიტაცეს და უკრაინის საზღვართან მანქანით მიიყვანეს, იმისთვის რომ დაეძალებინათ ქვეყნის დატოვება, თუმცა ბელორუსმა ოპოზიციონერმა პასპორტის საკონტროლო ზონაში პასპორტი დახია და მანქანიდან გადახდა. ძალოვნებმა მალევე მოახერხეს მისი დაკავება.


კოლესნიკოვას 2021 წელს სასამართლომ 11-წლიანი პატიმრობა შეუფარდა. ამის შემდეგ, იგი 2022 წლის 28 ნოემბერს, ციხის საავადმყოფოს რეანიმაციაში კუჭის წყლულის დიაგნოზით მოხვდა.

ოფიციალურ ინფორმაციებზე დაყრდნობით, კოლესნიკოვა 2023 წლის 10 მარტიდან გომელიც ქალთა კოლონიაში იმყოფება.