რთულია დაიჯერო, რომ ჰელენ მირენი უკვე 72 წლის არის. მსახიობი დღემდე ახერხებს საკუთარ თავზე ზრუნვას ისე, რომ სულ ფორმაში იყოს.

"ჩემს ახალგაზრდობაში ტვიგი იყო პოპულარული, მე კიდევ საერთოდ არ ვგავდი მას. პუტკუნა ლოყები მქონდა, მოკლე ფეხები და დიდი მკერდი.", ამბობს მსახიობი, რომელიც ჟურნალ Allure-ს სექტემბრის ნომრის ყდაზე იქნება.

ახალ ინტერვიუში მსახიობი თავის ასაკზე საუბრობს და ამბობს, რომ სულაც არ არის საჭირო, ყოველთვის გაესვას ხაზი, რომ ის უკვე 72 წლის არის.

"ისედაც ვიცი რომ ვბერდები, რაღა საჭიროა ამაზე გამუდმებით აპელირება? ასაკის წინააღმდეგი არ ვარ, პირიქით მიხარია, რომ ვარ 72 წლის და შოუ-ბიზნეში კვლავ აქტიურად ვარ ჩართული. თუ ხალხი აღფრთოვანებით ამბობს, რომ ამ ასაკშიც შესანიშნავად გამოვიყურები, ჩემთვის ასე არ არის, ეს დამაბნეველია და შეურაცხმყოფელიც კი არის. არ მომწონს როდესაც ხალხი საკუთარ ადგილს მითმობს და მეუბნება - ჰეი, ჰელენ მოდი, დაჯექი. არა, არა და არა, არ მჭირდება თქვენი ადგილის დათმობა.", ამბობს ჰელენ მირენი.