აჭარა თაიმსის მიერ გავრცელებული ინფორმაციით, ბათუმის შემოვლითი მაგისტრალი, რომელიც 11 ოქტომბერს საქართველოს პრემიერ-მინისტრმა ირაკლი კობახიძემ საზეიმო ვითარებაში გახსნა, ამ მომენტში მანქანებისათვის დაკეტილია.

გავრცელებულ ვიდეოში ჩანს კადრები, თუ როგორ არის ათობით მანქანა გაჩერებული ბეტონის ფილების წინ, რომლებიც გზას კეტავენ. ვიდეოში დაცვის თანამშრომელი ამბობს, რომ სამუშაოები დასრულებული არ არის.