ნეპალელი ნიმა რინჯი შერპა მსოფლიო რეკორდსმენი გახდა. 9 ოქტომბერს, ადგილობრივი დროით 06:05 საათზე, მან ტიბეტის მწვერვალი შიშაპანგმა (8,027მ) დალაშქრა, რითაც მან რეკორდი დაამყარა. შერპამ მთამსვლელობა 16 წლის ასაკში დაიწყო, 740 დღის განმავლობაში მსოფლიოს უმაღლესი 14 მწვერვალი დაიპყრო, რომელთა სიმაღლეც 8 ათას მეტრზე მეტია.

ნიმამ თავისი ეპიკური მოგზაურობა 2022 წლის სექტემბერში დაიწყო, როდესაც ნეპალის 8163 მეტრი სიმაღლის მანასლუს მწვერვალზე ავიდა.

შეპრას მიერ დალაშქრული მწვერვალები: ევერესტი, ჩოგორი, კანჩენჯუნგა, ლჰოძე, მაკალუ, ჩო-ოიუ, დჰაულაგირი, მანასლუ, ნანგა-პარბატი, ანაპურნა, გაშერბრუმ I, ბროუდ-პიკი, გაშერბრუმ II, შიშაპანგმა.

მას შემდეგ, რაც რეკორდსმენი გახდა, ნიმამ ინსტაგრამზე განცხადება გამოაქვეყნა: "ამ მსოფლიო რეკორდს ვუძღვნი ჩემს პროექტს, #SherpaPower. ეს მწვერვალი, რომელსაც მივაღწიე არ არის მხოლოდ ჩემი პირადი მოგზაურობის კულმინაციური დასასრული, ეს არის ყველა შერპასთვის გაღებული ხარკი, ვინც კი ოდესმე ჩემთვის დადგენილი ტრადიციული საზღვრების მიღმა ოცნება გაბედა. მთამსვლელობა შრომაზე მეტია; ეს ჩვენი სიძლიერის, გამძლეობისა და ვნების დასტურია."