ევროკომისიამ მოლდოვისთვის 1.8 მილიარდი ევროს ოდენობის დახმარების პაკეტი მიიღო, რაც ქვეყანას ევროკავშირისკენ გზაზე დაეხმარება. ამის შესახებ ევროკომისიის პრეზიდენტმა, ურსულა ფონ დერ ლაიენმა მოლდოვაში ვიზიტის დროს განაცხადა.

ევროკომისიის მიერ გავრცელებულ განცხადებაში ნათქვამია, რომ ეს ევროკავშირისგან ყველაზე დიდი ფინანსური დახმარების პაკეტია ქვეყნის დამოუკიდებლობის ისტორიაში.

"ევროპა მყარად უდგას მოლდოვის გვერდში — დღეს და ჩვენს კავშირამდე გზის ყოველ ნაბიჯზე. მოლდოვური ეკონომიკის ჩვენთან დაახლოება უკვე ახლავე შეგვიძლია. დღეს კიშინიოვში ვარ, რათა დახმარების პაკეტი წარვადგინო, რომელსაც ათწლეულის განმავლობაში ქვეყნის ეკონომიკის გაორმაგების პოტენციალი გააჩნია. ამის გასაკეთებლად ინვესტირებას ვაკეთებთ სამუშაო ადგილებში, მომსახურებაში და ინფრასტრუქტურაში — ბალტიში და კაჰულში ახალი საავადმყოფოებიდან დაწყებული, დედაქალაქიდან ოდესამდე გზით დამთავრებული. მოლდოვური კომპანიებისთვის ჩვენი საერთო ბაზრის კარებს ვაღებთ. მხარს ვუჭერთ მოლდოვის სარეფორმო ძალისხმევებს", — განაცხადა ევროკომისიის პრეზიდენტმა, ურსულა ფონ დერ ლაიენმა კიშინიოვში.