ლეგენდარულმა ესპანელმა ჩოგბურთელმა, რაფაელ ნადალმა კარიერა დაასრულა. ის "დიდი ტრიოს" მეორე წარმომადგენელია, რომელიც აქტიურ სპორტულ კარიერას შეეშვა.

ნადალი 209 კვირის განმავლობაში ATP ტურის პირველი ჩოგანი იყო და კარიერის განმავლობაში 22 დიდი სლემის ტიტული აქვს მოგებული, რაც Open ერაში მეორე შედეგია ნოვაკ ჯოკოვიჩის შემდეგ.

თიხის საფარზე მიყოლებით 81 გამარჯვებით ნადალი რეკორდსმენია ერთ კონკრეტულ საფარზე მიჯრით გამარჯვებების რიცხვით.

ლეგენდის გამოსამშვიდობებელი ტურნირი დევისის თასი იქნება, რომელიც დეკემბერში ჩატარდება. მოთამაშის რანგში კორტზე რაფა ნადალს სწორედ დევისის თასზე ვიხილავთ.