"ადამიანის უფლებათა ცენტრი" ვახტანგ გომელაურს მოუწოდებს, ზვიად ხარაზიშვილს სამსახურებრივი უფლებამოსილება შეუჩეროს
ადამიანის უფლებათა ცენტრი (HRC) შინაგან საქმეთა მინისტრს მოუწოდებს, რომ დაუყოვნებლივ შეცვალოს თავისი ბრძანება და გააუქმოს განსაკუთრებულ დავალებათა დეპარტამენტის ხელმძღვანელის წარმომადგენლის მონაწილეობა ე.წ. "ტერიტორიულ ჯგუფებში" და შეუჩეროს სამსახურებრივი უფლებამოსილება განსაკუთრებულ დავალებათა დეპარტამენტის ხელმძღვანელ, ზვიად ხარაზიშვილს და მის მოადგილე – მილერი ლაგაზაურს.
ადამიანის უფლებათა ცენტრის მიერ გავრცელებულ განცხადებას სრულად გთავაზობთ:
"2024 წლის აპრილი-მაისში, პარლამენტში ინიციირებული რუსული კანონის წინააღმდეგ გამართული საპროტესტო აქციების დროს, დემონსტრანტების წინააღმდეგ სპეციალური საშუალებების გადაჭარბებული რაოდენობით გამოყენების, დიდი რაოდენობით სამართალდამცავთა მობილიზების, სამოქალაქო აქტივისტების და აქციის ორგანიზატორების დევნის, დაკავების და გადამეტებული ძალის გამოყენების ფაქტები არაერთი საერთაშორისო და უფლებადამცველი ორგანიზაციების განცხადებებში მოხვდა.
ადამიანის უფლებათა ცენტრის მონიტორინგის ანგარიშების თანახმად, სხვა უფლებადარღვევებთან ერთად, განსაკუთრებით საყურადღებოა სამართალდამცავი ორგანოების წარმომადგენელთა მხრიდან გადამეტებული ძალის გამოყენების შემთხვევები. ამ მხრივ განსაკუთრებული სისასტიკით გამოირჩეოდა შსს-ს განსაკუთრებულ დავალებათა დეპარტამენტი – ე.წ "ხარებას რაზმი". გარდა შეკრების დასაშლელად გამოყენებული არაპროპორციული ძალისა, განსაკუთრებულ შეშფოთებას იწვევდა აქციის მონაწილეთა მიმართ დაკავების პროცესში, ანდა დაკავების შემდეგ, იზოლატორში გადაყვანამდე, არაადამიანური და ღირსების შემლახავი მოპყრობის ფაქტები.
მშვიდობიანი დემონსტრანტებისა და პოლიტიკური ოპონენტების სასტიკი დარბევების საპასუხოდ, აშშ–ის ფინანსთა სამინისტრომ სანქცირებულთა სიაში შეიყვანა განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი და მისი მოადგილე მილერი ლაგაზაური. მიუხედავად მყარი მტკიცებულებებისა და საერთაშორისო თუ ადგილობრივი უფლებადამცველი ორგანიზაციების ანგარიშებისა, აღნიშნული მაღალჩინოსნები კვლავ ინარჩუნებენ თანამდებობებს. უფრო მეტიც შსს მინისტრის ბრძანების თანახმად, "საქართველოს პარლამენტის 2024 წლის 26 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად ზოგიერთი ღონისძიების განხორციელების თაობაზე", სანქცირებულ ზვიად ხარაზიშვილს ეზრდება უფლებამოსილება და იგი 2024 წლის საპარლამენტო არჩევნებთან დაკავშირებული პროცესების მართვის ჯგუფების ხელმძღვანელის ფუნქციებს შეითავსებს. ხელისუფლების მაღალი თანამდებობის პირების მსგავსი გადაწყვეტილებები და მათ მიერ წარსულში გაკეთებული მუქარის შემცველი განცხადებები , ტოვებს დაუსჯელობის განცდას, რასაც შესაძლოა მომავალში ძალადობის და რეპრესიების ახალი ტალღა მოჰყვეს.
აპრილი-მაისის პერიოდში გამართულ საპროტესტო აქციების დროს, დაკავებული დემონსტრანტების რაოდენობამ 300-ს მიაღწია. სახალხო დამცველის რწმუნებულების მიერ წინასწარი დაკავების იზოლატორებში 183 დაკავებული დემონსტრანტი იქნა მონახულებული, საიდანაც ყოველი მეორე, დაკავების პროცესში ანდა იზოლატორში გადაყვანამდე, პოლიციელთა მხრიდან არასათანადო მოპყრობის ფაქტებზე მიუთითებდა. გარდა ამისა, დაკავებული პირები უმეტესწილად, ვერ სარგებლობდნენ მინიმალური საპროცესო უფლებებით, სამართალდამცავები არ უმარტავდნენ მათ დაკავების მიზეზს, არ ეძლეოდათ ადვოკატებთან ანდა ოჯახის წევრებთან კომუნიკაციის საშუალება, ზოგ შემთხვევაში მათთვის არ იყო ხელმისაწვდომი დროული და ადეკვატური სამედიცინო დახმარება. ასევე ხშირი იყო შემთხვევები, როდესაც დაკავებულთა ადგილსამყოფლის შესახებ დიდი ხნის განმავლობაში არ ჰქონდათ ინფორმაცია უფლებადამცველებს და ოჯახის წევრებს.
2024 წლის სექტემბრის თვეში, სპეციალური საგამოძიებო სამსახურიდან გამოთხოვილი ინფორმაციის თანახმად, საპროტესტო აქციის მონაწილეთა მიმართ განხორციელებულ შესაძლო ძალადობის ფაქტებზე სპეციალურ საგამოძიებო სამსახურში 140 შემთხვევაზე მიმდინარეობს გამოძიება, შინაგან საქმეთა სამინისტროს ცალკეულ თანამშრომელთა მხრიდან სამსახურებრივი უფლებამოსილების ძალადობით შესაძლო გადამეტების ფაქტზე სსკ 333-ე მუხლის მესამე ნაწილის "ბ" ქვეპუნქტით გათვალისწინებული დანაშაულის ნიშნებით. აქედან 42 პირს მინიჭებული აქვს დაზარალებულის სტატუსი.
ყოველივე ზემოაღნიშნულიდან გამომდინარე, უფლებადამცველთა გაერთიანება – "ადამიანის უფლებათა ცენტრი" მოუწოდებს:
სამართალდამცავ ორგანოებს: პატივი სცეს აქციის მონაწილეთა მშვიდობიანი შეკრებისა და გამოხატვის თავისუფლებას. უარი თქვას კანონსაწინააღმდეგო, ადამიანის უფლებების დაცვასთან შეუთავსებელ და ღირსების შემლახავ ძალადობრივ პრაქტიკაზე. უზრუნველყოს დაკავებული დემონსტრანტები საპროცესო კანონმდებლობით გათვალისწინებული ყველა უფლებით.
შინაგან საქმეთა მინისტრს: დაუყოვნებლივ შეცვალოს თავისი ბრძანება და გააუქმოს, როგორც განსაკუთრებულ დავალებათა დეპარტამენტის ხელმძღვანელის წარმომადგენლის მონაწილეობა ე.წ. "ტერიტორიულ ჯგუფებში", ისე საპოლიციო ძალების უფლებამოსილება, მიიღონ ე.წ. "პრევენციული ზომები“ საარჩევნო უბნებთან მშვიდობიანად შეკრებილი ამომრჩევლების წინააღმდეგ.
2024 წლის აპრილი–მაისის საპროტესტო აქციების დროს, აქციის მონაწილეთა წინააღმდეგ განხორციელებული ძალადობის ფაქტებთან დაკავშირებული გამოძიების დასრულებამდე, შეუჩეროს სამსახურებრივი უფლებამოსილება განსაკუთრებულ დავალებათა დეპარტამენტის ხელმძღვანელ, ზვიად ხარაზიშვილს და მის მოადგილე – მილერი ლაგაზაურს.
სპეციალურ საგამოძიებო სამსახურს: ჩაატაროს სწრაფი და ეფექტიანი გამოძიება 2024 წლის აპრილი მაისის თვეში აქციის მონაწილეთა მიმართ განხორციელებულ ძალადობის ფაქტებზე, ვინაიდან ამ უწყების არასათანადო რეაგირება, ასრულებს წამახალისებელ როლს სამართალდამცავთა მიერ ჩადენილ სერიოზულ უფლებადარღვევებზე და სავარაუდო დანაშაულებზე.
მაღალი საზოგადოებრივი ინტერესიდან გამომდინარე, პერიოდულად მიაწოდოს ინფორმაცია საზოგადოებას, ჩატარებული საგამოძიებო მოქმედებებისა და გამოძიების შედეგების შესახებ", — ნათქვამია გავრცელებულ ინფორმაციაში.
-
გადახედვაჰელსინკის კომისია: MEGOBARI აქტის საბოლოო დამტკიცებამდე, ჩვენ უნდა გავაგრძელოთ ქართველების მხარდაჭერა ჰელსინკის კომისია: MEGOBARI აქტის საბოლოო დამტკიცებამდე, ჩვენ უნდა გავაგრძელოთ ქართველების მხარდაჭერა
-
გადახედვაჯეიკ სალივანი: საქართველოს მომავალი ქართველმა ხალხმა უნდა გადაწყვიტოს თავისუფალ და სამართლიან პროცესში ჯეიკ სალივანი: საქართველოს მომავალი ქართველმა ხალხმა უნდა გადაწყვიტოს თავისუფალ და სამართლიან პროცესში
-
გადახედვაგიორგი გახარია: არჩევნებზე თუ მივიდა 2 მილიონზე მეტი ამომრჩეველი, "ოცნება" იქნება 30%-ზე ქვემოთ გიორგი გახარია: არჩევნებზე თუ მივიდა 2 მილიონზე მეტი ამომრჩეველი, "ოცნება" იქნება 30%-ზე ქვემოთ
-
გადახედვაგახარია გოგიჩაიშვილზე: როგორც ჩანს აქციიდან ბრუნდებოდნენ და თავს დაესხნენ ერთ ადამიანს გახარია გოგიჩაიშვილზე: როგორც ჩანს აქციიდან ბრუნდებოდნენ და თავს დაესხნენ ერთ ადამიანს
-
გადახედვამალაშხია: ყველამ ერთად, ერთხელ და სამუდამოდ, უნდა დავასრულოთ რუსული გავლენები საქართველოში მალაშხია: ყველამ ერთად, ერთხელ და სამუდამოდ, უნდა დავასრულოთ რუსული გავლენები საქართველოში
-
გადახედვალევან გოგიჩაიშვილზე თავდასხმას გიორგი გახარია ეხმიანება ლევან გოგიჩაიშვილზე თავდასხმას გიორგი გახარია ეხმიანება
-
გადახედვაპარტიული რეიტინგები Edison Research-ის კვლევის მიხედვით პარტიული რეიტინგები Edison Research-ის კვლევის მიხედვით
-
გადახედვაადვოკატ შოთა თუთბერიძეს, ჩეხი ჟურნალისტის მონახულების საშუალებას არ აძლევენ ადვოკატ შოთა თუთბერიძეს, ჩეხი ჟურნალისტის მონახულების საშუალებას არ აძლევენ
-
გადახედვა"სოც.დაუცველების დაშინება და შანტაჟი — როგორ ემზადება "ოცნება" არჩევნებისთვის" —"აი, ფაქტის" ჟურნალისტური გამოძიება "სოც.დაუცველების დაშინება და შანტაჟი — როგორ ემზადება "ოცნება" არჩევნებისთვის" —"აი, ფაქტის" ჟურნალისტური გამოძიება
-
გადახედვაTI-ის კვლევა: რეგიონებში კორუფციული ფაქტების მოცულობამ 3 მილიარდ 280 მილიონ ლარს გადააჭარბა TI-ის კვლევა: რეგიონებში კორუფციული ფაქტების მოცულობამ 3 მილიარდ 280 მილიონ ლარს გადააჭარბა
-
გადახედვამიხეილ სარჯველაძე: მაბრაზებს, რომ აქ შეკრებილ ადამიანებზე ამბობენ, ძალით ჩამოიყვანესო მიხეილ სარჯველაძე: მაბრაზებს, რომ აქ შეკრებილ ადამიანებზე ამბობენ, ძალით ჩამოიყვანესო
-
-
გადახედვა"ოცნების" დეპუტატმა სასტუმრო დაკეტა — "მონოგრაფზე" სნაიპერები არიან განლაგებულნი "ოცნების" დეპუტატმა სასტუმრო დაკეტა — "მონოგრაფზე" სნაიპერები არიან განლაგებულნი
-
გადახედვაDamkvirvebeli.ge აძლიერებს გამჭვირვალე არჩევნებს დამოუკიდებელი დამკვირვებლის მონაცემებით Damkvirvebeli.ge აძლიერებს გამჭვირვალე არჩევნებს დამოუკიდებელი დამკვირვებლის მონაცემებით
-
გადახედვალაშა ბექაური: ჩემი აქ დგომის მიზეზი არის ის, რომ მე ვიყო ჩემი ქართველი ხალხის გვერდით ლაშა ბექაური: ჩემი აქ დგომის მიზეზი არის ის, რომ მე ვიყო ჩემი ქართველი ხალხის გვერდით
-
გადახედვაროდის და როგორ გამოიგონეს ბორბალი — კვლევა როდის და როგორ გამოიგონეს ბორბალი — კვლევა
-
გადახედვა26 ოქტომბრის არჩევნებს ევროსაბჭოს საპარლამენტო ასამბლეა 32-წევრიანი დელეგაციით დააკვირდება 26 ოქტომბრის არჩევნებს ევროსაბჭოს საპარლამენტო ასამბლეა 32-წევრიანი დელეგაციით დააკვირდება
-
გადახედვაცოტნე ივანიშვილი: ვთვლი, რომ უნდა დავიცვა ოჯახური ღირებულებები, მშვიდობა, ნათელი მომავალი ცოტნე ივანიშვილი: ვთვლი, რომ უნდა დავიცვა ოჯახური ღირებულებები, მშვიდობა, ნათელი მომავალი
-
-
-
გადახედვამეუფე ზენონი: ევროკავშირის ქვეყნებს საქართველოსთვის სიკეთის მეტი არაფერი გაუკეთებიათ მეუფე ზენონი: ევროკავშირის ქვეყნებს საქართველოსთვის სიკეთის მეტი არაფერი გაუკეთებიათ
კომენტარები