სამხრეთ კორეის თავდაცვის მინისტრის განცხადებით, არსებობს მაღალი ალბათობა, რომ ჩრდილოეთ კორეა უკრაინაში აგრესორი რუსეთის მხარდასაჭერად ჯარისკაცებს გაგზავნის.

ჩრდილოეთ კორეა რუსეთს ჭურვებსა და რაკეტებს აწვდის, ეს სამხედრო კოოპერაცია კი უფრო და უფრო ღრმავდება.

მინისტრმა კიმ იონგ-ჰიუნმა განუცხადა საპარლამენტო კომიტეტს, რომ რუსეთსა და ჩრდილოეთ კორეას შორის კავშირები თითქმის სამხედრო ალიანსის დონემდე ამაღლდა.

უკრაინულმა მედიამ 4 ოქტომბერს გაავრცელა ინფორმაცია, რომ აღმოსავლეთ უკრაინაში რუსეთის მიერ კონტროლირებად ტერიტორიაზე სარაკეტო თავდასხმის შედეგად 6 ჩრდილოეთ კორეელი ოფიცერი დაიღუპა.

კიმის თქმით, ეს ცნობები, დიდი ალბათობით, მართალია.