აშშ-ის ტრანსპორტის დეპარტამენტმა დაამტკიცა ის 6 ამერიკული ავიაკომპანია, რომლებიც კუბის მიმართულებით თავის მოქალაქეებს ფრენას შესთავაზებენ.

The Verge-ს ინფორმაციით, ფრენებს შემდეგი ავიაკომპანიები შეასრულებენ:

  1. American Airlines;
  2. Frontier Airlines;
  3. JetBlue Airways;
  4. Silver Airways;
  5. Southwest Airlines;
  6. Sun Country Airlines.

ფრენები სავარაუდოდ სექტემბრიდან დაიწყება ამერიკის შემდეგი ქალაქებიდან:

მაიამი, ფორტ ლოდერედეილი, ჩიკაგო, ფილადელფია და მინეაპოლისი.

აშშ-სა და ჰავანას შორის ყოველდღე 20 ფრენა განხორციელდება

აეროპორტები კუბის შემდეგ ქალაქებში იქნება: ჰავანა, სანტიაგო-დე-კუბა, სანტა-კლარა, კეიო-კოკო, კამაგუეი, ოლგენი, კეიო-ლარგო, მატანსასი და მანტსალიონო.

ახალი შეთანხმებით აშშ-ს ქალაქებსა და ჰავანას შორის ყოველდღე 20-მდე ავიარეისი განხორციელდება. დამატებით ფრენები კუბის 9 აეროპორტის მიმართულებით დაიწყება.

საერთო ჯამში დღეში ამერიკასა და კუბას შორის დაახლოებით 110 რეისი განხორციელდება.

კუბას მონახულების მსურველები 12 კატეგორიიდან ერთ-ერთს აირჩევენ. კატეგორიებს შორისაა ოჯახური ვიზიტი, ოფიციალური ბიზნესი და ჟურნალისტური აქტივობა. შეზღუდვები ტურიზმზე კვლავ მოქმედებს.

4 თვის წინ, ამერიკამ და კუბამ ხელი მოაწერეს შეთანხმებას კომერციული საჰაერო მიმოსვლის აღდგენის შესახებ.