სლოვაკეთის პრემიერ მინისტრი, რობერტ ფიცო, რომელიც ნატოსა და ევროკავშირის წევრიც არის, აცხადებს, რომ სანამ ის პრემიერ-მინისტრის პოზიციას იკავებს, სლოვაკეთი ნატოში უკრაინის მიღებას არ დათანხმდება, რადგან ეს, შესაძლოა, მესამე მსოფლიო ომის დაწყების საფუძველი გახდეს. როგორც გერმანული მედია DW წერს, ფიცომ ეს განცხადება სლოვაკეთის საზოგადოებრივ მაუწყებელთან ინტერვიუში, 6 ოქტომბერს გააკეთა.

ნატოს წესებით, ალიანსში ახალი ქვეყნის საბოლოოდ მიღებას ყველა წევრი სახელმწიფოს პარლამენტის თანხმობაა საჭირო.

ფიცოს თქმით, პარლამენტში, როგორც თავმჯდომარე, თავისი პარტიის წევრებს მითითებას მისცემს, რომ ნატოში უკრაინის მიღებას არასდროს დაუჭირონ მხარი.

სლოვაკეთის პრემიერი, ომის 2027 წლამდე დასრულების შემთხვევაში, რუსეთთან ურთიერთობების აღდგენას აპირებს. იგი მიიჩნევს, რომ უკრაინაში ომი მხოლოდ იმიტომ გრძელდება, რომ მას დასავლეთი უჭერს მხარს რუსეთის დასაჩოქებლად.

რობერტ ფიცო მემარცხენე-ცენტრისტული პარტიის თავმჯდომარეა. იგი 2023 წლის საპარლამენტო არჩევნების შედეგად სლოვაკეთის პრემიერ-მინისტრი გახდა. მომდევნო არჩევნები ჩატარდება 2027 წელს.