4 ოქტომბერს იემენის სხვადასხვა ნაწილი, მათ შორის დედაქალაქი სანა დაიბომბა. ინფორმაცია ამის შესახებ ტელევიზია ალ მასირამ გაავრცელა, რომელიც ჰუსიტების მოძრაობის მთავარი ტელევიზიაა. ჰუსიტები ამჟამად იემენის უდიდეს ნაწილს აკონტროლებენ.

დაიბომბა სამხრეთით მდებარე ქალაქი დამარიც. ტელევიზია აცხადებდა, რომ შეტევა ერთობლივად განახორციელეს ბრიტანელებმა და ამერიკელებმა, თუმცა ბრიტანეთის ხელისუფლებამ ეს ინფორმაცია უარყო.

ირანის მიერ მხარდაჭერილი ჰუსიტები გასული ნოემბრიდან ჰამასს უცხადებენ სოლიდარობას და ქვეყნის აკვატორიასთან ახლოს საერთაშორისო გემებს ესხმიან თავს, რაც საერთაშორისო ვაჭრობას აზიანებს. ბევრი გემი სუეცის არხსა და წითელ ზღვას ამ მიზეზით თავს არიდებს.