ჩინეთის სახალხო რესპუბლიკის ლიდერმა, სი ძინპინმა, კომუნისტური რევოლუციის 75-ე წლისთავზე საჯარო გამოსვლილსას თაივანთან გაერთიანების პირობა დადო.

1 ოქტომბრის სახელმწიფო მიღებაზე, სადაც სახალხო რესპუბლიკის დაარსების დღე აღინიშნებოდა, კომუნისტური პარტიის თავმჯდომარემ ხაზი გაუსვა "სამშობლოს სრულყოფილი გაერთიანების" სურვილს.

"ეს გარდაუვალი ტენდენცია, საერთო სახალხო სურვილი და სამართლიანობის საქმეა. ისტორიის მსვლელობის შეჩერება არავის შეუძლია", — განაცხადა სი ძინპინმა

ჩინეთის კომუნისტური პარტია თაივანს ჩინეთის ნაწილად მიიჩნევს. კუნძულის მოსახლეობის უმრავლესობა თავს თაივანელად აიდენტიფიცირებს და კომუნისტურ ჩინეთთან შეერთების წინააღმდეგია.

ორი მხარე სამოქალაქო ომის დასრულებიდან, 1949 წლიდან, სხვადასხვა მთავრობების მიერ იმართება. კომუნისტებმა პეკინზე კონტროლი 1949 წლის 1 ოქტომბერს დაამყარეს, დამარცხებული ნაციონალისტები კი კუნძულ თაივანზე გაიქცნენ.