ირანის მხრიდან ისრაელისკენ ბალისტიკური რაკეტების გაშვების შემდეგ, ირანის უზენაესმა ლიდერმა აიათოლა ხამენეი სოციალურ ქსელ X-ზე დიდი მიწისქვეშა საცავის ილუსტრაცია გამოაქვეყნა და დააწერა, რომ თეირანის გამარჯვება ახლოსაა.

"გამარჯვება მოდის ალაჰისგან და ის ახლოსაა", — წერს ხამენეი.

ირანის სულიერმა ლიდერმა კიდევ ერთი პოსტი გამოაქვეყნა წარწერით: "წინააღმდეგობის ფრონტის დარტყმები უფრო ძლიერი და მტკივნეული გახდება სიონისტური რეჟიმის დამპალ სხეულზე".

ისრაელის ინფორმაციით, ირანის მიერ გაშვებული ბალისტიკური რაკეტების "დიდი ნაწილი" ჩამოაგდო. ქვეყნის საგანგებო სიტუაციების სამსახურის თქმით, მასშტაბური სარაკეტო შეტევის შედეგად მხოლოდ 2 ადამიანი დაშავდა, ხოლო რამდენიმე მოქალაქე მსუბუქად დაზიანდა თავშესაფრისკენ გაქცევისას.

ირანელმა მაღალჩინოსანმა Reuters-ს განუცხადა, რომ ირანის უზენაესი ლიდერი ალი ხამენეი უსაფრთხო ადგილას იმყოფება. ის უსაფრთხო ლოკაციაზე იმის შემდეგ გადაიყვანეს, რაც ისრაელმა ჰეზბოლას ლიდერი, ჰასან ნასრალა მოკლა.