ირანის თავდაცვის ძალების (IDF) სპიკერმა, დანიელ ჰაგარიმ თქვა, რომ ირანის მხრიდან ბალისტიკური რაკეტებით თავდასხმას პასუხს გასცემენ.

"ჩვენ გაძლიერებული სიფხიზლით ვართ თავდაცვასა და თავდასხმაში, ჩვენ ისრაელის მოქალაქეებს დავიცავთ. ამ [სარაკეტო] იერიშს შედეგები მოჰყვება. ჩვენ გვაქვს გეგმები და ჩვენს მიერ შერჩეულ დროსა და ადგილზე ვიმოქმედებთ", — განაცხადა მან.


ჟურნალისტის კითხვაზე, დგას თუ არა ისრაელი რეგიონული საფრთხის წინაშე მან უპასუხა, რომ ისრაელი უკვე დიდი ხანია “მრავალფრონტიანი ომის წინაშე დგას”.

"ეს პირველი შემთხვევა არ არის ირანის იერიშის, ეს იერიში უფრო ფართო იყო რაკეტების მხრივ და თავდაცვითი პასუხიც შესაბამისად მოვამზადეთ”, — თქვა ჰაგარიმ.

ამასთან, მან თქვა, რომ იერიშის შედეგად, “ძალიან ცოტა დარტყმა” მოხდა და მათივე ინფორმაციით არ არიან დაშავებულები, რადგან “პასუხისმგებლიანად მოიქცა” ისრაელის მოსახლეობა.